У ДУА "Акадэмія паслядыпломнай адукацыі" ўзнагароджаны пераможцы VI Міжнароднага фестывалю прафесійнага педагагічнага майстэрства “Пазнанне ў сутворчасці”, удзельнікамі якога сталі 142 педагагічных работніка.

 
Фестываль накіраваны на рашэнне задач павышэння кваліфікацыі педагогаў, іх інтэлектуальна-творчае развіццё і інавацыйны падыход да арганізацыі адукацыйнага працэсу, пашырэнне актыўнай прафесійнай супольнасці.

 
У рамках фестывалю прайшоў вочны этап конкурсу праектаў па тэме “Адукацыйная падзея і яе роля ў развіцці асобы”. Канкурсанты павінны былі прадэманстраваць, што адукацыйная падзея можа быць не толькі практыка-арыентаванай, але і крэатыўнай: зрабіць тое, чаго яшчэ ніхто не рабіў. Таксама педагогі прэзентавалі стэндавыя даклады, абаранялі міні-даследаванні па прапанаваных тэмах, сталі ўдзельнікамі і гасцямі 26 майстар-класаў.

 Дыпломамі I ступені фестывалю ўзнагароджаны намеснік дырэктара па вучэбнай рабоце, настаўніца рускай мовы і літаратуры сярэдняй школы № 3 Пінска Валянціна Вядзерчык, якая абараняла праект па тэме “Слоўнікавы дыктант як адукацыйная падзея”, і настаўніца матэматыкі сярэдняй школы № 200 Мінска Вера Дронь з праектам “Метапрадметныя сувязі як сродак фарміравання ў вучняў цікавасці да матэматыкі”.